ເລີ່ມດຳເນີນການຊ້ອມຮົບຮ່ວມລະຫວ່າງຟີລິບປີນ-ອາເມຣິກາ
ພາຍໃຕ້ລະຫັດ "ຄຽງບ່າຄຽງໄຫຼ່" ປະຈຳປີ 2024
ອີງຕາມຂ່າວສານຊີອາໄອ ຂອງຈີນ ລາຍງານໃຫ້ຮູ້ໃນວັນທີ 22 ເມສາ 2024 ເມສາ ຜ່ານມານີ້ວ່າ: ຝ່າຍທະຫານຟີລິບປີນ ແລະ
ອາເມຣິກາ ໄດ້ເລີ່ມດຳເນີນການຊ້ອມຮົບຮ່ວມພາຍໃຕ້ລະຫັດ “ຄຽງບ່າຄຽງໄຫຼ່” ປະຈຳປີ 2024 ຢູ່ນະຄອນຫຼວງມານີລາຂອງຟີລິບປີນ
ເຊິ່ງຈະດຳເນີນໄປເປັນເວລາ 19 ວັນ. ມີມວນຊົນຟີລິບປິນ ຈໍານວນຫຼາຍໄດ້ຈັດການໂຮມຊຸມນຸມເພື່ອປະທ້ວງຕໍ່ການຊ້ອມຮົບຮ່ວມຄັ້ງ
ນີ້, ນັກວິຊາການຈຳນວນໜຶ່ງເຫັນວ່າການຊ້ອມຮົບຮ່ວມລະຫວ່າງຟີລິບປີນ-ອາເມຣິກາ ອາດຈະຂົ່ມຂູ່ຕໍ່ຄວາມໝັ້ນຄົງ ແລະ ສະຖຽນ
ລະພາບຂອງພາກພື້ນ. ຝ່າຍທະຫານຟີລິບປີນ ແຈ້ງໃຫ້ຮູ້ວ່າ: ການຊ້ອມຮົບຮ່ວມຄັ້ງນີ້ມີທະຫານເຂົ້າຮ່ວມຫຼາຍກວ່າ 16.700 ຄົນ, ໃນ
ນັ້ນທະຫານຟີລິບປີນ ມີ 5.000 ຄົນ ແລະ ທະຫານອາເມຣິກາມີ 11.000 ຄົນ, ແມ່ນການຊ້ອມຮົບຮ່ວມທີ່ມີຂະໜາດໃຫຍ່ທີ່ສຸດໃນ
ຮອບຫຼາຍປີຜ່ານມາ.
ແຫຼ່ງທີ່ມາ: ໜັງສືພິມກອງທັບ
ວັນທີ 25/04/2024